Mjög góð byrjun á Evrópumeistaramótinu hjá Ingibjörgu Kristínu Jónsdóttur sem hóf keppni í morgun.
Hún synti 50m flugsund í undanrásum á fyrsta keppnisdegi mótsins.
Tími Ingibjargar var 28,12 og bætti hún þar með skráningartímann sinn um hálfa sekúndu.
Besti tíminn hennar er frá 2013 og er aðeins 9 sekúndubrotum hraðari en tíminn sem hún synti nú í morgun.
Þetta er því frábær byrjun á mótinu og lofar góðu fyrir framhaldið !
Hrafnhildur hefur svo leik á morgun þegar hún stingur sér til sunds í 100m bringusundi.