SH með yfirburði á Íslandsmeistaramótinu í 25m laug – 8 sundmenn frá SH ná lágmarki á EM25

Íslandsmeistaramótið í 25 metra laug (ÍM25) fór fram í Laugardalslaug dagana 7.–9. nóvember. Sundfélag Hafnarfjarðar átti þar stórkostlegt mót og sýndi sannkallaða yfirburði í keppninni.

SH vann alls 35 Íslandsmeistaratitla af 46 mögulegum, 29 silfurverðlaun og 7 bronsverðlaun, og sigraði í öllum 10 boðsundsgreinum mótsins.

Félagið setti jafnframt 6 Íslandsmet og 1 Íslandsmet í unglingaflokki á mótinu.

Einstaklings Íslandsmet:

• Birnir Freyr Hálfdánarsson – 100m flugsund

• Símon Elías Statkevicius – 50m skriðsund

• Hólmar Grétarsson – Íslandsmet unglinga í 400m fjórsundi

Íslandsmet í boðsundum:

• 4x100m skriðsund – Birnir Freyr, Símon Elías, Ýmir og Veigar Hrafn

• 4x100m fjórsund – Vala Dís, Birgitta, Nadja og Jóhanna Elín

• 4x50m fjórsund blandað – Bergur Fáfnir, Birgitta, Nadja og Símon Elías

• 4x50m fjórsund – Vala Dís, Birgitta, Nadja og Jóhanna Elín

Bestu afrek mótsins:

Bæði Snorri Dagur Einarsson og Birgitta Ingólfsdóttir voru valin fyrir bestu afrek mótsins, bæði 100m bringusund.

SH-sundmenn á leið á EM25

8 sundmenn frá SH náðu lágmarki á EM25, sem fram fer í desember í Póllandi:

• Snorri Dagur Einarsson

• Birnir Freyr Hálfdánarsson

• Símon Elías Statkevicius

• Vala Dís Cicero

• Birgitta Ingólfsdóttir

• Jóhanna Elín Guðmundsdóttir

• Ýmir Chatenay Sölvason

• Hólmar Grétarsson

SH óskar öllum sínum sundmönnum, þjálfurum og aðstandendum innilega til hamingju með frábært mót!