2 ný mótsmet slegin um helgina á Ásmeginmótinu!

Ásmeginmót SH lauk núna á sunnudaginn um hádegisbil í Ásvallalaug í Hafnarfirði.

Mótið var fullt af góðum árangri; lágmörk á EM, EMU, NÆM og ÍM og hellingur af personal best tímum sáust hjá efnilegum sundmönnum.

270 sundmenn frá 15 félögum komu saman á mótinu. Alls voru 38 dómarar og 20 sjálfboðaliðar virkir og studdu við keppnina.

Bestu árangrar og stigahæstu sundmenn mótsins voru Birgitta Ingólfsdóttir (SH) í 100 m bringusundi á tímanum 1:10.01 (768 stig) og Snorri Dagur Einarsson (SH) í 50 m bringusundi á tímanum 28.51 (754 stig).

Snorri Dagur Einarsson og Birgitta Ingólfsdóttir syntu aftur undir lágmarki fyrir EM50 í París, bæði í 50 m bringusundi, sem haldið verður í ágúst.

Vala Dís Cicero, Sólveig Freyja Hákonardóttir og Hólmar Grétarsson syntu aftur undir lágmörkum fyrir EMU í München í júlí, og Alicja Julia Kempisty aftur undir lágmarki fyrir NÆM í júlí.

2 ný mótsmet voru sett:

Karla – 200 m flugsund Hólmar Grétarsson (SH) – 2:05.04

Kvenna – 50 m flugsund Jóhanna Elín Guðmundsdóttir (SH) – 28.04

Úrslit SH-inga

Frábærri keppni lauk með þátttöku 69 SH-sundmanna. Margir persónulegir bestir tímar voru bættir og margir sundmenn náðu lágmörkum á AMÍ, SMÍ, ÍM, EM, EMU og NÆM.

Til hamingju allir sundmenn!